Die Palästinafahrt Graf Philipps des Älteren von Katzenelnbogen 1433-1434

Die stede vnd tage reyse czu dem helgen grabe.

Anno domini tusent vierhondert vnd dru vnd dryfsig uff dinstag nehst nach sant Margareten (14.7) reit der edel vnd wolgeborn herr Philips, graue czu Katzenelnbogen vnd Dietz, zcu Darmstait ufs in willen, mit gots hulf ober mere zcu faren. Vnd ist mit den synen in dyfsen nachgeschreben herbirgen vnd heilgen steden gewest:
Zcum ersten von Darmstait ghene Swyngenberg, czwo mylen, lagen wir die erste nacht. Item von Zwyngenberghene Sünfsheym, 7 milen, waren wir die nacht. Item von Sunstheyn ghene Marpach, funff milen, die nacht. Item von Marpach ghene Stuckarten, 2 milen, da afsen wir zu mittage. Item von Stuckarten ghene Nortingen 3 milen, da lagen wir die nacht.Item von Nortingen ghene Blaubern, 4 milen, die nacht.Item von Vlme ghene Memmyngen, 6 milen, den mittage. Item von Kempten ghene Vielfse ghene Lermufs, 4 milen, die nacht. Item von Lermufs ghene Delfyfs, 4 milen, die nacht. Item von Delfyfs ghene Ifsbrucke, 4 milen, zu mittag. Item von Ifsbrucke ghene Matra 3 milen, die nacht. Item von Matra ghe Stertzingen, 4 milen, die nacht. Item von Matra ghe Stertzingen, 4 milen, zu mittag. Item von Stertzingen ghene Mulbach, 4 milen, zu mittag. Item von Mulbach ghene Brunecke, 3 milen, zu mittag. Item von Brunecke ghene dolbach, 3 milen, zu mittag. Item von Brunecke ghene Dolbach, 3 milen, die nacht. Item von Dolbach zum Heyden, 3 milen, die nacht. Item von Sant Martin zum Söietaile, 2 milen. Item vom Spietaile czum Crucz, 2 milen. Item vom Crucz ghe Spernale, 2 milen, die nacht. Item von Spernale ghene Konglonn, 2 milen, die nacht. item von spernale ghe Konglonn, 2 mile. Item von Konglonn ghene Derfyfs ghen Meynsters, dry mile. Item von Meynsters ghe Venedigenn, eyn mile bis an das wasser. Da hair man auch eyn welsch mile bis ghene Venedigen zu faren uff dem wasser. Der qwamen wir uff dornstag nehst vor Vincula Petri (30.7.) ghene Venedigen in "Sancta Trinitate", das nennt man hier zu lande zum Dutzschen hufse. Item uff sant Laurencii tag (10.8) foren wir zu Venedigen ufs uff dem mere vnd wolten ghe Candiean; dazwuschen czelt man 1400 mile. Da qwamen wir hen uff dinstag nehist nach san Bartholomeus tag (25.8). Item vgtg Vnser lieben frauwen obent natiuitatis (7.9) foren wir uff dem mere zu Candian an ghene Alexander; dazwuschen czelt man 600 milen. Da Quamen wir ghe Alexander uff frytag nehist vor Exaltacionis sancte crucis (11.9). Item zu Alexander stehit eyn loch in eyner muer, da sant Katharina gefangen yn lagk, bnd czwo steynen sulen, uff den sulen lagk das rait, da man sant Kathaerinen yre heilges heubt uff abe hiebe, hart von dem loch. Igtem sanctus Marcus war auch zu Alexander mit ruden geslagen eyn lang gasfsen vfs, vnd war aldo gemartelt vnd gedoidet. Item sant Johans, der da was almoiser, wart auch zu Alexander gedoit vnd gemartelt. Item sant Peter was von Alexander vnd was eyn patriarcha, der ward auch zu Alexander gemartelt vnd getoidt. item anderthalp hondert ducatenn zu Alexanddrien czu czolle vor 10 personen, gebort sich vor iglichen funffczehen. Item uff sontag nehist vor des heilgen Crutz tag exaltacionis (13.9) rieden wir zu Alexandrien ufs eseln dry mile hyfs wyr uff das wasser qwamen. Vff dem selben wasser foren wyr tzwene tage vnd eyn nacht. Das selbe wasser geet in eynen graben, der ist kume anderhalben glenen wyt vnd ist eyn arme vfser dem Nyele. Das selbe wasser gehit vfs dem Paradiese. Vnd qwamen uff montag zcu nacht des heilgen Cruczes tag (14.9) ghene FoanK da lagen wir die selbige nacht uff der Nyele zu Foan ghe Bolagk, 4 tage vnd nacht reyse, foren wyr uff dem wasser, das ufs dem Paradise gehit, daz heifst die Nyele, vnd uff dem selben wasser da lihen insulen, da sahen wir etwas vile lyntworme anligen, wan das wasser ist an eym deill enden also wyt, als der Ryne, vnd qwamen gene Bollagk uff fritag nehest vor sant Matheus tag (18.9), lagen wir die nacht uff dem wasser. Item tzwuschen Ffoan vnd Bolagk ligt eyn tzole, da gaben wir vnfser 17 tzwene Venediger grossen, der selb tzoll heifst Setheuae. Item von Bolagk ghene Alkeyer czalt man dry milen bis an die herbirg, vnd ligt eyns an dem andern. Da qwamen wyr uff sampstag nehst vor sant Matheus tag (19.9) ghene Alekyer. Item wyr sahen czu Alkeyer Vnser lieben frauwen beheltnyfse, da sie vnsern lieben herren got vnd sich selber 7 iare yn gehalten hatt, als sie von Bethleem flohe vor konig Herodes, uff sant Matheus abent. Item uff den selben tag sahen wir eyn helfant, der was also grofse, das es vnsegelich ist, auch czu Alkeyer. Item uff den selben tag sahen wir tzwene seraphen auch czu Alkeier. Item 50 ducaten zu Alkeyer zu czolle, da geburt vor iglichen funff, wan es waren czehen personen. Item wir sahen zu Alkeyer der grofsen granaten 5, die konig Pharao buwen lifs, der waren tzw 1600 claifern breit vnd 250 claiftern hoich. Item vff dienstag nehist nach sant Matheus tag (22.9) riedden wir czu Alkeyer vsfs vnd durch Babilonyen bis das wir an das wasser kamen, wan die dry stede ligent zu roren an eynander, mit namen ÄBolagk, äAlkeyer vnd Babilonien, vnd saifsen in eyn schiff uf das wasser, das ufs dem Paradiyfse gehit, genant die Nyele, kume eyn myle von Babilonien. Da blieben wir halten by eyme dorff, das heyfset Dethora leduwij, da waren wir in eyner kirchen, da sant Jorgen vatter ynne begraben ligt. Item von Dethora leduwij gene Derij cammesa, das ist eyn cloister vnd ligt auch an der Nyele. Da foren wir tzwene tage vnd tzwo nachtreyen tzwuschen. Da qwamen wir in das cloister uf fritag nehist vor sant Michels tag (25.9) vnd lagen da ober nacht. Itewm uff sampstag nehst vor sant Michels tag (26.9) rieden wyr czu Derij ammesa in dem cloister ufs uff kemeltyeren drittenhalben tag vnd nae tzwo halbe nacht durch die wostenunge, bis das wir qwamen czu sant Anthonien cloister, da der liebe herr sant Anthonius in dryen kyrchen in dem selben cloister gewonet hait. Vnd uff eynem berge by dem cloister ist eyn loch. Da sprach der liebe herr sant Anthonius syn gebete yn, da qwamen ye der tufel vnd verstoret en yn syme gebete vnd czoich hyn vnd her in dem loich vnd hette en gern von syme glauben bracht. Da qwamen wir uf sant Michels abent (28.9) hien zu Sant Anthonienn. Item vff sant Michels abent zu nacht riedden wir zu Sant Anthonius ufs ghene Sant Pauwels des wegs wil czehen milen bis an eynen bergk, darober gyngen wir, da czalt man funffczehen milen ober den berg bis in snt Paulus coister. Da qwamen wir yn uf sant Michels tag (29.9), Ub dem selben vnd andern cloistern, mit namen zu Sant Antonius vnd zu Sant Katherinen vnd zu Dericammesa syn monchen, die heifsen Jacobyner, vnd sant Paulus ligt na by dem Roden mere. Vnd wir waren zu Sant Paulus also lange, bis wir gaifsen vnd sliffen auch wol tzwo stunde oder dry vnd gingen als lange, byfs wir widder ober den bergk qwamen. Da safsen wir widder uf die camele vnd rydden, bis das wir qwamen uf sant Michels tag zu mitternacht widder zu Sant Anthonius. Item vff mitwochen zu mittage nach sant Michels tag (30.9) riedden wir zcu Sant Anthonius ufs zu Alkeyer zcu. Item uff fritag nach sant Michels tag (2.10) qwamen wir widder czu Dericammesa, da lagen wir yn bifs uff sampstag zu nacht nest darnach (3.10), foren wir an uff der Nyele vnd qwamen uff sontag darnoch widder zu mittage gene Alkeyer. Item uff montag nehist nach sent Michels tag (5.10) sahen wir der lieben heilgen iunffrauwen sant Barbaren lichnam ligen yn eym grabe zu Alkeyer. Item uf dinstag nest vor sant Gallen tag (13.10) riedden wir zu Alkeyer ufs vnd riedden zu dem Balsame vnd baten in dem borne, da Vnser liebe frauwe Vnsern lieben herrn got ufs gebadet hait, vnd hait eme syne wyndeln darufs gewischen, als sie was geflogen von Bethleem yhene Alkeyer in Egiptenlant, bnd wo sie die wyndeln ufsluge, da wuschen alle die wile kleyne ryfser, darufs der balsame flufset. Vnd sahen den bauwm in dem garthen da sich Vns liebe frauwe yn verbargk, wan man sie sucht da yn. Da gingen wir herufs vnd lagen die nacht in demfelde vor Alkeyer. Item uff mitwoch nehist or sant Gallen tag (14.10) riedden wir in dem felde vor Alkeyer an in den korben, als wir durch die wustenunge solden zu sant Katherynen, vnd qwamen uf den vierden tag zu Moyses borne, das was mit namen uf sampstag nest nach sant Gallen tag (17.10), da lagen wir die selbige nacht so nahe by dem Roden mere, daz myn gnediger herr mossellen daran lasfs. Item riedden wir uff sontag zu morgen nehist na sant Gallen tag (18.10) by Moyses borne widder an vnd qwamen darnach uff den montag zu nacht obe5r eyn bechlyn, das quillet vnd heist die Grundeln, blieben wir die nacht. Item vff dinstag nach sant Lucas tag (20.10) riedden wir an dem bechlyn an durch die wustenung bigs an den funfften tag, daz wir nit gudes wasser engunden, bis das wir czu Sant Katherinen qwamen, das was uff sampstag vor Symonis vnd Jude (24.10) etc. Item uff den vorgenanten sampstag, alsbald als wir gaifsen yn dem cloister zu Sant Katherinen das ligt zu roren vnder Moises berg, gingen wir zu erste ober Mayses borne an dem berge, da Moyses ufs gedruncken hait, wan er uff den berg ging.Item qwamen wir in eyn kirche, da wonet Vnse liebe frauwe auch yn an dem berge. Da sagten vns die monche, die myt vns uff den berg gingen, wie das die monche nit zu leben hetten in dem cloisterlyn vnd wulten von dannen syn gewichen, also gingentzwen monche czu dem selben kirchlyn zu, da erscheyne yne Vnse liebe frauwe als gar schone, das sie vast erschracken vnd sprach: "Gehet hiene, yre fyndet camele, die brengen uch zu essen. Item qwamen wir darnach in eyn ander kirche, da hatten die monche die slossel zu verloren, auch an dem berge. Item vben uff dem berge, da ligt eyn steyne, daryn verbargk sich Moises, da er Vnsern lieben herrn got kommen sach als gar luter vnd clare, da ducht en Vnser herr got syn. Item vben uff dem berge uff dem selben streyne stet Moyses kirch. In der selben krichen erscheyn vnser herr got Moysi, das er got were vnd satzt daryn die czehen gebote. Item vff den sampstag vorgenant, mit namen uff sampstag nehest vor sant Symon vnd Jude (24.10) in der vorgeschreben Moiseskirchen, da sloich herr Bernhart Kreyfs den etelen vnd woilgebornen grauen Phipssen, grauen zu Katzenelnbogen vnd zu Dietz, mynen gnedigen, lieben herren, rittere.
Item in der vurfs kirchen sluch myn gnediger herre, itzt genant, difse hernach geschreben, mit namen herr Gaudentz von Rechberg, herr Albrecht von Rechberg, herr Daniel von Muderspach vnd herr Conrait von Franckensteyne alle vier ritter.
Item haben die Heyden auch eyn kirche ufrf dem vorgenanten berge ba Moyses kirchen. Item zelet man uff Moises berg siebben tusent staffeln vnd 36. item gingen wir uff dem selben sampstag an der andern sygten des berges heraber vnd quamen in eynen garthen, da stehit eyn borne yn vnd eyn kirche, da lagen wir die nacht in der kirchen, da sagten vns die monche, das woil viertzig heilgen in den selben kirchen vnd garthen gewonet hetten.Item studen wir des nesten sontags vor sant Symon vnd Juden tag (25.10) frohe uff in dem kirchlyn, dan das selbe kirchlyn vnd garte sten hart vnden an sant katherynen berg, vnd gingen uff den berg, da die engel sant Katherynen uffgefurt hatten, genant Snay. Da wir uff den berg qwamen, da sahen wir die dry stede yn eynem harten steyne, da die lieben engel gelegen hatten, vnd da die leibe, heilge iunffrauwe sant Katherine twuschen den engeln gelegen was. Da selbst aifsen vnd druncken wir uff dem berge vnd qwamen kume czu mittag widder in den garten, da wir des nachts in der kirchen gelegen waren. Den selben berg Synay czalten die monche vor dry stunde hoher dan Moyses berg. Item vff den selben sontag zcu mittaghe, als wir von Sant Katherinen berge kommen waren widder in den garten, da aifsen wir balde vnd gingen widder an ghene Sant Katherinen cloister czu. Item vnden in dem selben garten, da waren wir in eyme kirchlyn, da was sanctus Honoferius gestanden an eyner stait fiertzig iare vnd hatt nit anders czu essen vnd zu dricken, dan was eme von dem hymel qwame, vnd datteln baueme woischen hart by eme, der datteln aifse er auch, so vil er erlangen konde.Item do wir dewenich von der kirchen heraber qwamen, do sahen wir den steyn, der Moyses nachginge,vnd usfer dem selben steyn gingen tzwolff borne, da er die kinder von Israel durch die wustenunge forte, da stil er sich von yne. Item vff montag czu morgen nehst vor sant Symon vnd Juda (26.10) stunden wir froe uff vnd sahen das heiltem sant Katherynen, mit namen yre heilges heubt vnd das gebeyne von yren armen, vnd bliben den monatag alda in sant Katherynen cloister. Item sahen wir in dem selben cloister die heilge stait, als der engel zu Moyses sprach: Thu dyn schuwe ufs, du salt gene uf den berg, got wil mitdir ridden, da erscheyne eme der engel durch eyn hecke. Item vff dinstag nehist vor Symonis vnd Jude (27.10) da riedden wir czu Sant Katherinen ufs ghene Jherusalem zu vnd rydden eilff tage. bis das wir durch die wustenunge qwamen. In den selben eylff tagen hatten wir nit anders, dan regenwasser zu dryncken, bis das wir qwamen in eyn dorff, das heifset Dyron elgafsyse, da ist eyn czolle yn, da must der man tzwen grossen geben. Vff fritag zu nacht nest vor Sant Martins tag (6.11) lagen wir vor dem selben dorff. Item stunden wir uff den selben fritag zu mitternacht off vnd riedden, das wir eyn stunde vor tage qwamen ghene Gasfsera, das was uff sampsatag vor sant Martins tag (7.11). Da lagen wair tzwo nachte, vnd der man must geben 6 ducaten vnd 8 grossen czu czolle in der selben stait zu Gafsera. Item vff montag nehist vor sant Martinus tag (9.11) saifsen wyr vor Gafsera uff esell vnd qwamen des nachts in eyn dorff, daz heifset Zacharie, da ligt eyn hoff by, der heifset Chanellsabie, da lagen wir yn bis mitternacht, vnd saifsen da uff die esell vnd qwamen des morgens froe uff sant Martins abend zu Sant Abrahem. Item vff Dinstag sant Martins abent, qwamen wir czu Sant Abraham, das ist eyn stait, da ligt eyn kirche yn, da ligen begraben yn sant Abrahem, sant Jacob vnd sant Ysaac, da lagen wir uff sant Martins abent. Item vff sant Martins tag (11.11) qwamen wir ghene Bethleem zu mittage vnd waren so lange da, das wir die hielge stede besahen zu Betheem, die selben heilgen stede ligen alle in eyner kirchen etc. Item als wir gaifsen, da sahen wir die heilge staet, da Vnser lieber herr geboren wart. Item sahen wir die heilg staet, da vnser herr in der krippen lagt. Item sahen wir die heilge staet, da die heilgen dry konige yre konigliche cleider anthaden, da sie verwar sahen, das vnser lieber herr da geborn was, als sie eme daz opper brengen wolten. Item sahen wyr die staet, da die heilgen dry konige vnser leiben herren das opper brachten. Item sahen wir die helg staet, da sant Jeronimus die biblien schreipff. Item sahen wir die heilge staet, da konig Herodes hyn deth legen, die er hatt laifsen doden. Die selben heilgen stede ligen zu Bethleem in eyner kirchzen. Item riedden wir uf sant Martins tag, daz wir czitlichen ghene Jherusalem qwamen, da lagen wir in eym spieltal, moisten wir geben 22 ducaten zu zolle. Item gingen wir uff sant Martins tag zu nacht nach mitternacht an vnd gingen bis uff den dornstag (12.11) zu mittage, bis das wir die heilge stede gesahen in Jherusalem vnd by Jherrusalem an daz Heilg grab vnd ander heilge stede, die auch in dem selben tempel ligen. Item lagen wir uff den selben donstag zu nacht nach sant Martins tag in dem tempel, da das heilge grab yn ligt vnd auch mehe heilger stede, die sahen wir auch, als man woil horen wirt, wie sie genant syn. Item riedden wir uf fritag nehst darnach (13.11) widder ufs czu Bethleem vnd Jherusalem, als hirnach geschreben steht, vnd qwamen zu mittage widder ghene Jherusalem. Zum ersten sahen wier die staet, da Jacobs wib Rachel begraben ligt. Item sahen wir die staet, daz ist eyn kirche vnser lieben fraiwen, da der engel vnser lieben frauwen vnd Joseph den weg wyset ghene Egiptenland, da sie flehen solten mit vnserm lieben hern von Bethleem vor konig Herodes.Item sahen wir die kirche, da die lieben engel den hirten verkundigeten, das vnser herre geboren were. item sahen wir die heilgen stede in Montana Jude. Item sahen wir die Kirche, da der holtzereyns des helgen crcz gewaschen wasw. Item sahen wir daz hufs sant Symeon, der vnsern lieben herren an synen arme name, dae er dazh "Nunc dimittis" macht. Item sahen wir die kirche sant Johanes Baptisten, da vnse liebe frauwe zu sant Elisabetzh qwame vnd sie gruste, vnd alle die wile macht vse liebe frauwe das "Magnificat anima mea dominum " Item sahen wir die kirche, da in sant Johannes Baptista gevorne wart. Item sahen wir sant Zacharias hufs, da in er eme vorsatzt nit mer czu ridden als o langz, bigs das syn sone geborne wurde vnd Johannes geheisfsen wurde, vnd da selbst Zacharias macht das "Benedictus". Item difse nachgeschreben syn die heilgen stede zu Jherusalem. Zum ersten sahen wir den tempel vnd darin die staet des helgen grabs. Item sahen wir uff dem berge Caluarie die heilge staet, da vnser lieber herr gecrucziget wart. Item sahen wir die staet, da got hy gelgt war vnd gesalbet vnd in das tuch gewunden vnd in das Heilge grab gelegt. Item sahen wir die staet, da vnser lieber herr sant Maria Magtdalenen erschyn in eyns gerteners wyse. Item sahen wir eyn capell in dem selben tempel, da Cristus siner lieben muter an dem ersten erscheyn, als er von dem tode erstanden was. Item in der selben capellen sahen wir eyn sule, da vnser lieber herr angebunden, gegeisselt vnd verspiet wart, die selbe sule was gestanden in Pylatus hufs. Item yn der selben capellen sahen wyr die heilge stait mitten in der capellen, da das heilg crucz bewert wart mit eyner toiden frauwen, die da widder lebendig wart. Item an der andern sygten zu der lincken hant, da lag daz ander teyle des helgen cruczs lange czit auch in der selben capellen. Item sahen wir die heilge stait, vnd daz was der kerker, da vnser lieber herr yn gefangen lag als lang, bis daz heilg crucz gemacht wart. Item sahen wir die stait, da die clieder vnsers lieben herren geteilt wurden. item sahen wir die heilge capell der lieben heilgen iunffrauwen sant Helenen, da sie yn begraben ligkt. Item hait die selbe heilge frauwe me dan sehefshondert kirch laifsen machen ober die heilge steede, da vnser lieber herr gewonet hait vnd syn lieben heilgen. Item sahen wir die heigle stait in snt Helenen Capell, da das heilge crucz yn funden war vnd der zweyer schecher crucz beide. Item sahen wir die heilge staet, da die heilge crone vnsers lieben herren funden wart. Item sahen wir die helg staet, da die helgen dry negel funden wurden. Item gingen wir dry stunde in den tempel, das helge grab in stehit, da gab iglicher zcum ersten mal dry grossen zcu dem andern iglicher vier grossen vnd zcum dritten mal gab iglicher funf grofsen.Item sahen wir die heilge staet, da das ysen funden wart von dem spere, damit vnserm lieben herren syn heilge syte guffenet wart. Item sahen wyr die sule, daran vnser lieber herre gebudnen vnd gekront wart. Item sahen wir die heilge staet, da Adams heubt gefonden wart. Item sahen wir die heilge staet, da vnser lieber herre sprach: Disfs ist mitten in der wernt. Item ufswendig des tempels syn 4 capellen hart by dem tempel, da wirt nit in waren. Zum ersten vnser lieben frauwen capell. Item sant Johannes Ewangelisten capelle, item sant Johannes Baptisten, capelle, item sant Marien Magdalenen capelle. Item vff dem platz vor dem tempel ligt eyn steyn, da vnser lyeber herr uff ruhet, da er das hielgecrutze trugk. Diefse syn die helgen stede in der stait Jherusalem. Item sahen witr des riche mans hufs, darin Lazaro wart versagt die broseme des broits. Item sahen wir die staet, da die Judden bischen Sameon, vnsern lieben herren von dem crucz thun. item sahen wir die heigle staet allernehest darby, da sich vnser lieber herre vmbkeret vnd sprach zcu den frauwen: Nit weynet ober mich ,weynet ober uch vnd uwer kynder etc. Item sahen wir die heilge staet, da vnser liebe frawe in amacht vile, da sie ire liebes kint das crucz sahe tragen. item sahen wir 2 weifs steyn, uf dem eym steyn ruhet vnser lieber herre, vnd uf dem andern satz Pilatus, da vnser lieber ufsgerichte wart zcum doide. Item sahen wir die schole, da vnser leibe frawe in lernt schriben vnd lesen. Item sahen wir Pilatus hufs, da vnser lieber herr in geysselt, verspiet vnd zu dem toide gericht wart. Item sahen wir daz hufs, da vnser herr vor Herodes gefurt wart. Item sahen wir die staet, da vnser lieber herr Marien Mgdalenen alle ire sunde vergab. Item sahen wir die grube, daryn das heigle crucz gestanden hait. Da stunde wasser in der gruben. also qwam der engel altage von dem hymmel vnd wegte das holtz in dem wasser. Alle die ghee, die da kranck waren gingen daryn vnd wurden gesunt, da aber vnser lieber herr gemartelt wart, da wurden sie nit me gesunt. Item in Alomos tempel wart vnser leibe frawe in geoppert. Item in dem selben tempelt wart Joseph vnser lieben frawen zugegeben. Item in dem vorgenanten tempel wart vnser lieber herr geoppert. Item in dem vorgenanten tempel wart Cristus funden, als er mit den Judefsen meistern disputieret, vnd in den selben tempel geet niemant, er sy dan eyn heyde ader wulle eyner werden. Item sahen wir sant Annen kirche, da vnser liebe frawe in geborn wart. Item sahen wir die thore, da sant Steffan ufsgige, als er versteynet wart. Item sahen wir die dore, darduch vnser lieber herr am Palmentag in ryt, da en die Judden also schone entfyngen, vnd die nennet man die Gulden dore. Difs sind die heilgen stede in Josaphatz taile. Czum ersten, da sent Steffan wart versteynet, gedoid vnd begraben. Item sahen wir eyn staet, das was gewest eyn bach, vnd was geheifsen torrens Cedron, darober lag da holtze des helgen cruczes lang czyt, das man darober ginge. Item sahen wir daz grab vnsr lieben frauwen mitten in dem taile. Item sahen wir die heilge stad, da vnser lieber herre dry stunden bate synen vatter etc vnd switzet ald bluten sweyfse. Item sahen wir eyn dieff loch als eyn borne, darin wart geurffen sant Jeromias, das er starb. Item sahen wir die kirche san Jacobs, des iungen, darin wart er getoit vnd begraben. Item sahen wir in der selben kirchen das grab Zacharie, fili Barachie, der da wart getoidet tzwuschen dem altare vnd der wende by dem elter. Item sahen wir da graf konigk Absolon, da selbst ist eyn ablas. Difs syn di helgen stede an dem Oleyberge. Czum ersten sahen wir den garthen, da vnser lieber herr in gefangen wart von Judas, als er en kuste, vnd von den fursten der Judden. Item sahen wir die stad, da sant Peter Malchio das ore abesluge. Item sahen wir die stad, da vnser lieber herr syn iungern vnd aposteln lifs, wan er wult gene beden, die waren nw sere trurich, da sprach er zu ene: Sitzt hie vnd beid myner, bis das ich gebede. Item sahen wir die stad, da sant Thomas vnser leiben frawen gurtel name in syn hant, als sie zu h<emel fore. Item sahen wyr die stad, da Christus gestanden was vnd weynet ober Jherusalem. Item czu oberst uff dem Oleyberge ist die stad, da vnser lieben frauwen der engel die palemen bracht ufser dem Pa radise vnd sprach zcu yre: Vff en tag wirstu entfangen in dem himmel. Item sahen wir die stad Galilea, da vnser lieber herr synen eylf iungern erscheyne, dan Judas was abgestalt. Item sahen wir die stad, davon wyr sahen in Salomons tempel vnder ander heilge stede, die in der statt Jherusalem lygen, daryn keyne cristenmenschen thar gene. Item sahen wir die stad, davon vnser lieber herr zu himmel fure vnd an der selben stad studnen di fufsstappen von synen fufsen. Item sahen wir die kirche, da sanct Bellasia in begraben ligt. Item sahen wir die kirche sancti Marci, da die heylgen tzwolff botten den cristenglauben machten. Item sahen wir die stad, da Christus synen iungern prediget vnd lernet. Item sahen wir die helg stad, da Christus das Paternoster den 12 boten gab. Item sahen wir dei stad, da vnser liebe frauwe ruhet, da man vnsern lieben herrn gemartelt hatte.Diefse sin die heilge stede indem taile silue. Item zum ersten den born, da vnser liebe frawe vnsers lieben herrn gots tucher ufwusche, wan sy en tragen wult in den tempel. >Item in der stait Natatoria Siue sahen wir zum ersten den born, da vnser lieber herr die blinden gesehen ufs macht. Item sahen wir die stad, da ysaias von eynander geseget wart. Item sahen wir den acker, der gekaufft wart vmb die 30 peunynge. Item sahen wir die helge stad, dar sich die iungern verborgen, als sie geflogen waren, da die Judden vnsern lieben herren fahen wolten. Difs sin di heilge stede uf dem berg Syon. Zum ersten in der krichen uff dem froen altare da berichtet vnserl ieber herr sin iungeren mit synem lychname. Item sahen wir die stad, daz ist eyn altar czu der re hten hant neben froen altar, da wusch vnser lieber herr synen iungern yre fufse. Item oben in dr kirchen ist die stad, da der heil geist von dem hymmel heraber zu den apostel quam uff den Pinxstagk. item da ist eyn capell in eym cloister, da erscheine vnser lieber herr sinen iungern an dem helgen Otertage mit beslossener thore vnd sprach: Frede sy mit uch! Item in der selben capellen stehti Dauids grab vnd konig Salomons vnd ander konige etc. Item sahen wir die kyrche, da sant Jacob, der groifs, in dentheubt wart, die stehit ufswendigh des cloisters. Item sahen wir die kirchen vnser lieben frauwen, darin sie wonet viertzien iare nach vnsr lieben herren doide, die selbe kirche stehit in dem cloister. Item die heilge stede ufswendig der kirchen. Sahen wir zum ersten die stad, da vnser liebe fauwe yr gebet sprach. Item 10 schiede davon horte vnser leibe frawe vnsers herr gots prediate. Item dry schridde for befser, da prediget vnser lieber herr sinen iungern. Item na by der selben stad wart gebroden das osterlamm. Item by der selben stad wart sant Steffan begraben zum andern male. Item by der selben stad wart sant Mathies erwelet zu eym 12 boten an Judaz stad. Item sahen wir die stad, da sant Johannes Ewangelist vnser leiben frauwen messe laisfs. Item na darby starb vnser lyebe frauwe. Item sahen wir die stad, da die Judden vnser lieben frauwen lichnam wolten han genomen vnd verbrant han, aber sie kunten das nit gethun. Item sahen wir die kirche der engel, das was das hufs Anne, dar furten sie vnsern lieben herren, als er gefangen was. Item sahen wir die kirche sancti Saluatoris, das was Caiphas hufs des bischoff, darin wart Christus oberhort, verspiet vnd geslagen. Item sahen wirden kerker Christi in der selben kirchen darin vnser lieber herr geleyt wart gefangen. Item in der selben kirchen verleugnket sent Peter dry stundt.Difs sin die hielgen stede, als man zum Jordan ridt. Zum ersten sahen wir den Jordan. Item sahen wir die kirche sant Johannes Baptisten na draby ligen. Item lagen wir din der stait Jericho uff die nacht, als wir usfs dem Jordan rieden. Da ligt eyn hufs in der stait, das heifst Setzschenhufs, daryn war vnser lieber herr geladen. Item da ligt eyn hufs in der stait Jhericho, da selbst macht vnser lieber herr die blinden gesehen. Item sachen wir daz monster Joachim, vnser lieben frauwen vatter. item sahen wir den berg, da vnser leiber herr 40 tage vastet. Item zu oberst uf dem berge oben, da sprach der tufel zu vnserm herren; Beede mich an, ib gebe dir, was du wilt. Item sahen wirda monster sant Jeronimi. Item sahen wir das Toide mere, da die tzwo steede vndergingen von der groifsen sunden wegen, dye daryn begangen wurden, die selben stede heifsent Sodoma vnd Gomorra. Difs sin di heilge zcu Bethania. Zum ersten sahen wyr Lazarus grab. Item sahen wirdie stad, da vnser lieber herr Lazarusm vom toide erwckte. Item sahen wir das hufs Symons, der da ufssetzig was. Item sahen wir das hufse sant Maria Magdalenen. Item sahen wyr das husfs sant Marthe. Item sahen wir da hufs, da sant Martha zu vnserm lieben herren qwam vnd sprach: Herre, wrstu hie gewest, myn broder Lazarus were nit gestorben.Item zu Bethphahe sasfs vnser lieber herr uf den esel, als er czu Jherusalem in die stait riden wult uff Palmentag etc. Item lagen wir uff sampstag zu nacht nach san Marinus tag (14.11) zcu dem andern male im tempel, da das heilge grab in sthit. Da bichten wir vnd entfingen des morgens froe am sontag vnern lieben herren. Item vff den selben sontag (15.11) zu nacht nach mitternacht saifsen wir zu Jherusalem uff vnd riedden in den Jordan vnd rydden dannoch widder ufs bis ghene Jericho. Da lagen wir bis mitternacht. item vff den montag vor tage saifsen wir off zcu Jericho vnd qwamen uff dinstag nach sant Marins tag (17.11) widder ghene Jherusalem froe. Item vff fritag nehst nach sant Elizabethen tag (20.11) riedden wir zu leste zu Jherusalem ufs vnd lagen des nachts in eyme hofe by dem dorffe Bethfage, da selbst Orias erslagen wart. Item riedden wyr uff sampstag nach sant Elizabeth (22.11) zu Rama ufs vnd qwamen uf den selben tag zu abent ghene Ghaff an das mere, da selbst sant Peter gefischet hait.
Item vff montag zu nacht vor sant Katherinen tag (23.11) gingen wir in das schiffe vnd foren als lang, bis dastag wart. Da zubrache das schiffe, vnd wir qwamen mit groifser noit an das lant. Das geschach an sant Katherinen abent (24.11) zcu morgen. Item gingen wir uff sant Katherinen abent nach mitternacht in eyn dorff, das heifst Sancta Maria de Carmine, da lagen wyr dye selbe nacht myt grofsen sorgen. Item vff sant Katherynen abent nach mitternacht riedden wir vnd gingen in dem selben dorff an, da wir uf sant Katherinen tag zu morgen ghene Akre qwamen zcu den kauffluden. item riedden wir uff sontag vor sant Andreas tag (29.11) ufs czu Akre vnd qwamen des nachts in eyn dorff heifset Suro. Item riedden wir uff sant Andreas tag (30.11) ufs czu Suro vnd qwamen des abents ghene Seyte, da musten wir 10 ducaten geben czu czoll. Item ryedden wir zu Seyte usfs uff dinstag nach sent Andres tag (1.12) vnd qwamen des selben abents gene Abruthi. Item wir riedden uf montag (7.12) vor tage czu Abruthi ufs vnd qwamen in kan Debruthy, da aifsen wir czu recht in czu mittage. Item riedden wir ufs dem kan vnd des nachts in den kan Demort, da lagen wir die nacht. item riedden wir uff dinstag nehist darnach ufser dem selben khan vnd qwamen czu mittage an den khan desSardini, da aifsen wir zu mittage. Item saifsen wir da uff vnd riedden czu dem khan Dyorathy, da musten wir verczollen eynen derimenn vor den man.Zu Damasca. item sahen wir die stait, daKyn sinen bruder Abel erslug, vnd ist eyn acker ligt ufwendig Damasca, dauff schinet keyne sonne. Item sahen wir die heilge stait hie ufs vor Damasca eynen armbtustschofs, als vnser herr gott mit sant Pauwels ridt, da erschrack sant Paulus vnd fiele von syme perde, da sagt vner herr got zu eme: Saule, Saule, quid me persequeris, da wr er bekart. Item sahen wir Noys arcke vnd syn grab. Item sahen wir den steyn, da sant Jorge von uf sasfs, sals erstryden wolte mit dem drachen. Item sahen wir die stad zu Abruthy, da sant Jorge den trachen stache. Item 14 ducaten vnd 20 grossen musten wir czu zolle geben czu Abruthi. Item sahen wir da loch zvu Abruthi in eyme steyn, d der trach in ginge ligen, wan er nit zu essen hatte, das loch stehit na by dem wege, dar in wartet er uf die menschen, die eme zu teil wurden. item riedden wir zu Abruthi ufs uff sontag nehst vor dem helgen Christage (20.12) vnd qwamen des nachts by eyn dorff etc. Da lagen wir die halbe nacht in eym loch vnder eyme styn, vnd zcu mitternacht safsen wir widder uff die mule vnd reden, das wir qwamen ghe Akre uf den montag zu nacht, als vns die kauflute hatten verdingk uff die galleen, vnd wir gaben 5 ducaten zu akre czu zcoll. Itewm vgg der heilgen dry konig tag, den man nennet den tzwolften (6.1), da gingen wir zu Akre usfs vnd gingen uf die galleen vnd lagen die nacht dauff in der halte vnd foren an dem tage, das wir uff distag darnach (12.1) zu mittag ghe Rodyfs qwamen. Darzuschen czilet man seheshondert mylen, foren wyr in acht tagen. Item vff donstag nehst vor sant Anthonius tag (14.1) da qwamen wir ghene Rodyfs vnd lagen alda dry nacht vnd gingen uff den sampstag (16.1) nach mitternacht widder czu schiff vnd foren von stunt an, vnd wart der want als vil groifse, das wir von dem rechten wege musten faren uff dem mere mee dan 25 milen an eyn porte, dheifset poicastro, dasligt hondert vnd 15 milen genesyt Candian. difs ist ds heyltum, das wir zcu Rodifs sahen uff san Anthonius abent (16.1). Zum ersten sahen wir das heilgen crucz eyn stucke. Item sahen wir vnsers hern gots schusseln eyne. Item der dorne eynen von der cronen vnsers herren. Item sant Johannes Baptisten arme eyner. Item sant Joregen armen eynen. Item sant Annen handt eyne. Item qwamen wir uff dinstag zcu morgen vor dant Antonius tag in eyn porte gefaren von noede wagen des wassers die selbe porte heischet Policastro. Da hilten wir yn bis uff den nehisten fritag zu morgen. Da foren wir widder an vnd qwamen ghene Candian uf sampstag zu macht, das wir des morgens an dem sontag froe in die stait gingen. Item foren wir zu Candian ufs uff Vnser frauwen abent zcu nacht puificacionis (2.2 vnd qwamen von noede wegen uf dem mere an eyn porte, heifset Melo, da ligt keyn dorf oder stait by, uf den dunstag vor Vastnacht(4.2) Item foren wir in der selben porten widder ufs uf sampstag vor Fastnacht (6.2) vnd wulten ghene Madune zu vnd qwamen von noit wegen in eyn porte heifst etc vnd lagen da bifs Fastnacht (7.2). Da machten wireyn pilgrim zu Sant Jacob. Item foren wir uff die Fastnacht in der selben porten usfs vnd qwamen die selbe nacht ghene Croen an in der halte uff Eschemitwoch (10.2) vnd qwamen den selben abenczitlich ghene Madune. Item folen wir zu Madune an uff mittwoch nehist nach Inuocauit (17.2) vnd qwamen in porte Fischgardo uff samptag darnach, die porte ligt zweyhondert milen von Madune vnd hondert von Koruoe. Item foren wir uff montag nach Reminiscere (22.2) ufs in der porten Fischardo vnd qwamen uff mittwochen nehist zu abent in eyn porte vnder eym slofs vnder eym stetgyn, die heifsent Bargen. Item foren wir uff den selben mittwochen, sant Mathias tag, zu nacht zu Bargen ufs noch Reminiscere vnd qwamen uff dornstag (25.2) nehist darnach tzitlich ghene Koruoe. Item foren wir zu Koruoe ufs ufden selben vorgenanten dornstag vnd qwamen uff sontag Oculi (28.2) czitlich in eryn porte, die heifset Sullian vnd ligt 20 milen von Ragusta. Item foren wir in der porten an uf den sontag zcu nach vnd qwamen uff montag (1.3)zcu mittage by eyn stedtgin, das heifset Gurtzula. Da hielden wir ghee vber bis abent, da foren wir nit vere vor das stedtgyn, da heifsett Leesena. Da foren wir neben hin, vnd das stedtgyn ligt hondert milen hiedisfsydt Ragusta, vnd qwamen des nachts in eyn porte, die heifset Demorther. Item foren wir an uff dinstag zu mitternacht in dem selben porte vnd qwamen uff mitwuchen zu mittag vor Halpfasten by eyn stat, die heyfset Sarai, da foren wir neben hien, die liegt 250 milen genesydt Vendigen. Item qwamen wir uff frytag (5.3) by eyn stait, heifset Rafen. Da fure myn gnediger herre uff das lant vnd ginge in die stait vnd sach das grab, da sancta Eufenia yn ligt, vnd als balde er widder in die galleen qwam, da foren wir widder an vnd des morgens an dem sampostage vor Letare (6.3) qwamen wirczitlichen ghene Venedigen. Item foren wir uf dornstag zu nacht nach Letare (11.3) zcu Venedigen vsfs vnd qwamen des fritagsfroe ghene Padawe. Item reit mayn gnediger herre uf den selben fritag in das warme bait, vnd an dem sapstag nehist darufs widder ghe Padawe. Item reit myn gnediger herre uff sontag Judica (14.3) ufs Padawe in eynen hoiffe, haben die Dutzenweller, den besach myn herre. Item foren wir uf montag zu morgen nach Judica (15.3) zu Padawe ufs vnd uff den selben montag widder ghe Venedigen. Item foren wir uff mitwuchen vor dem heilgen Palmentag (17.3) von Venedigen usfs bifs ghene Meynster, das ist eyn mile, vnd saifsen da uff die Marteller vnd ryedden ghene Derfysch, da aifsen wir zcu mittage, da czelt man tzwuschen Meynster vnd Derfysch dry milen. Item von Derfysch ghene Congelon, 3 milen, dye nacht. Item von Konglon ghene Spernale, 2 milen, czu mittage. Item von Spernale ghene Cadepunt, dry mile, da lagen wyr dye nacht. Item von Cadepunt ghene Maneet, 5 milen, die nacht. Item von Maneet ghene Dolbach, 5 milen, die nacht und assen uff Palmentag (21.3) zu morgen da. Item von Dolbach ghene Brunecke, 3 milen, die nacht. Item von Brunecke ghene Stertzingen 5 milen, die nacht. Item Stertzingen ghene Matra, 4 milen, die nacht. Item von Yfsbrucke zu dem hielgen blude uff dem Seefelde, 3 1/2 mile, da sahen wir daz helge blut vnd ridden von stundt hinwegk. Item von dem Sehefelde ghene Mittenwalt, 2 milen, die nacht. Item von Mittenwaltghene Amergauwe, 5 milen, die nacht. Item von Amerauwe ghene Schangauwe, 4 milen, die nacht. Item von Schangauwe ghene Aufsburgk, 10 milen, die nacht. Item von Aufsburgk ghene Wembdingen, 6 milen, die nacht. Item von Wemdingen ghene Swabach, 7 milen, die nacht. Item von Swabach ghene Nornberg, 2 milen, 2 nacht, Item von Nornberg ghene Forchem, 5 mile, die nacht. Item von forchem ghen Babenberg, 4 milen, die nacht. Item von Babenberg ghene Koburg, 6 milen, die nacht. Item von Koburg ghene Greffenauwe, 8 milen, die nacht. Item von Greffenauwe ghene Erfurt, 4 milen, zu nacht. Item von Erfurt ghene Rossel, 4 milen, zu mittage. Item von Rossel ghene Nuwenburg, 3 milen, die nacht. Item von Nuwenburg ghene Halle, 5 milen, die nacht. Item von Halle ghene Kalbe, 7 milen, di nacht. Item von Kalbe ghen Medeburg, 4 milen, zu mittage. Item von Medeburg ghene Dagemonde, 7 milen, die nacht. Item von Dangermonge ghe Wilsthenach zcu dem heilgen blude, sesfs milen, die nacht. Item von dem heilgen blude wydder ghene Dagermonde, sesfs milen, die nacht. Item von Dagermonde ghene Medeburg, 7 milen, die nacht. Item von Medeburgh ghene Halle 11 milen, die nacht. Item von Medeburg ghene Halle, 11 milen die nacht. Item von Halle ghene Nuwenburg, 5 mile, die nacht. Item von Nuwenburg ghene Erfurt, 7 myle, die nacht. Item von Erfurt ghene Ysenach, 6 mile, die nacht. item von Ysenach ghene Cassel, 8 mile, 2 nacht. Item von Ysenach ghene Cassel, 8 mile, 2 nacht. Item von Cassel ghene Teyse, 5 milen, die nacht. Item von Treyse ghene Marpurg, 4 mile, die nacht. Item von Marpurg ghene Hachenberg, 8 milen, die nacht. Item von Hachenberg ghene Colne, 9 mile, 2 nacht. Item von Colne ghene Aiche, 10 mile, die nacht. Item von Aiche ghene Gulche, 7 milen, die nacht. Item von Gulche ghene Colne, 3 milen, die nacht. Item von Colne ghene Poppelfsdorff, 4 milen, die nacht. Item von Poppelfsdorff ghene Andernach, 6 milen, die nacht. Item von Andernach ghene Boparten, 6 milen ,czu mittag. Item von Boparten ghene Rynfels, 2 mile. Darselbst qwame der edel und woilgeborner herre, herre Philips, graue czu Katzenelnbogen, vnd syn geselschaft mit yme, des got gelobet sy vnd mache vns aller sunden fry, amen vff montag zvu nacht in der Crutzwuchen (3.5) anno domini tusent vyerhondert drysfsig vnd vier iare.